Departemente - VEK Potchefstroom

ONS BEDIENINGE

JAM KIDS KINDERKERK

Kinderkerk op Sondae oggende bied vir kinders die geleentheid tot uitmuntende interaktiewe Bybel lesse, lofprysing en samesyn met maatjies.

Ons fokus is die fondasie waarop ons bou en daarom is JAM Kids waar om ouers in hul taak te ondersteun om kinders na die Here te lei.

Dit is immers ons verantwoordelikheid om die goeie geestelike voorbeeld vir kinders te stel, dus kan kinders nie op ‘n beter plek wees, veral in hierdie tyd, as by ons kinderkerk nie.

Ons nooi alle kinders uit om Sondae oggende om 09:00 verryk te word met gepaste leering en hope pret daarby!

KRUIS KIDS (JNR JEUG)

Ons junior jeug byeenkomste is beslis ‘n hoogtepunt vir ons laerskool kinders.

Nuwe vriendskappe vorm en saam ontwikkel ons leiereienskappe.

Ons is immers die nuwe generasie wat Bybelse beginsels en waardes moet modelleer.

Daarom glo ons hier by Kruis Kids dat geen kind te jonk is om ‘n verskil te maak vir God se Konigkryk nie.

Op Vrydae aande kom ons om 18:00 by die kerk bymekaar. Dis die beste plek vir kinders om te wees on ‘n Vrydagaand!

IDENTIFY YOUTH (SNR JEUG)

Jesus se passie is mense, daarom is ons passie ook mense!

Op Woensdae aande kom ons senior jeug bymekaar en beleef ‘n geseënde tyd terwyl geestelike lering en stigitng plaasvind.

Ons jaartema is praise, worship en warfare.

Ons nooi alle tieners uit (vanaf 12 – 18 jaar) om jeug saam met ons te geniet op Woensdae om 18:00.

KATHAROS YOUNG ADULTS

Ons harte klop vir jong volwassense. By Katharos wil ons saam met jou die lewe uitfigure, saam met jou die lewe doen!

Die woord Katharos beteken rein, skuldvry en outentiek of real. En dit is presies waarna ons streef: om ‘n rein lewe te leef voor God en mense, om ontslae te raak van skuldgevoelens waarmee ons so gereeld gekonfronteer word, en laastens om real te wees- real te wees met jouself, met die mense om jou en met God.

Ons nooi alle studente om saam met ons om die Woord en ‘n koppie koffie te kuier op Dinsdae aande om 19:00 by Gracias Gastehuis, skuins oostkant Mooirevier Junction.

KLUB 60 SENIORS BEDIENING

Ons Klub 60 kom elke maand bymekaar waar ons dinge deel van Toeka se dae tot vandag.

Hier is GROOT SPORTS! By hierdie geleenthede kuier ons lekker saam rondom die woord en bemoedig mekaar met ‘n koppie Tee en tuis gebak!

Indien u meer wil weet oor ons Klub 60 kan u gerus ons kerk kantoor skakel.

MAN-UP MANNE BEDIENING

Op Vrydae oggende kom ons manne bymekaar om saam te bid.

Eendragtig glo ons saam in die krag van gebed, daarom nooi ons al die manne uit om op Vrydae oggende vanaf 05:30 – 06:30 saam te kom bid.

Die koffie is gratis..!

VROUE BEDIENING BIDUUR

Tussendeur die besige skedules van vrou wees, maak ons tyd om as vroue en vriendinne in Christus saam te kom.

Op Dinsdae oggende kom ons vroue bymekaar om saam te kuier om die Woord, saam te bid en mekaar te bemoedig.

Met heerlike koffie en geselskap nooi ons alle vroue uit om op Dinsdae oggende om 10:00 by ons aan te sluit.

DUNAMIS GEBDSUUR

Ons as gemeente glo in die DUNAMIS KRAG van gebed.

Ons bid saam op Woensdae aande om 18:30 en getuig dat die Here steeds gebede beantwoord.

Moenie ons bidure mis nie. Jy is genooi!

MAATSKAPLIK

GEMEENTE WELSYN – Ons gemeente se maatskaplike afdeling is daar om nood in ons gemeente asook ons gemeenskap te indentifiseer en uit te reik om hierdie nood aan te spreek.

Daar is huidiglik ‘n emmer projek aan die gang.

Gemeentelede kan hierdie projek ondersteun deur ‘n emmer te neem, vol te maak met voedsel produkte, ens. En weer by die kerk af te gee. Hierderu is dit vir ons moontlik om hulp te kan verleen aan gesinne wat behoefte het.